Golden Earring
Ik heure net op 't niejs dat de Golden Earring der mee ophult. Zanger/gitarist George Kooyman hef de nare zeekte ALS. As den neet met dut dan is der gin Earring meer. Dat zult Rinus, Barry en Cesar 'edacht hebben, stel ik mi'j veur. En dan denk ik dat ze geliek hebt heur. De klank van de Earring was heel specifiek en herkenbaor. Daor hef George Kooymans zien eigen rolle in. Jammer dat der noe een ende an kump, maor wat mooi dat ze zo vulle hebt betekend veur de Nederlandse Rock.
Mien eerste Golden Earring plaatje was Anorher 45 Miles. Gries 'edraeid op 't olde pickupjen. En later koch ik de lp waor o.a. Back Home op steet. Met de gaele hoes met al die puppekes. Ik hebbe UM nog steeds. Ik zal um weer is teveurschiene halen en gaon beluusteren.
Zo kump der een ende an een monument in de Nederlandse popmuziek, dank oe wel Golden Earring!