An 't harte

Hold oe gedeisd
't Is wel oew harte
-Ik zal wel zeen
 
Luuster naor oew lief
Dat liegt ja nooit
-Bakt oe een ei
 
Doot maor haenig an
En waes veurzichtig
-Jao, jao, da's goed
 
Mien aegen lief vertrouwen
Geet noe neet meer vanzelf
't Kloppen van mien harte
Te veulen in mien hals
Umsglieks de slagen tellend
Menend cool en mans te waen
Maor in 't deep zit de onrust
Een staeke weer in de borste
Hondsmeu elken dag opniej
Daor an toe te geven
Bu'j dan wel een keal?
Anderen hebt 't völle slimmer
 
Maor...
Gelukkig heb ik altied
Mien leeve vrouwe
Die mi-j kent
Van binnen en van buuten
Waor ik op vertrouwe
En waor ik naor luuster
Want dan kump 't goed
 
Henk Muileman