De laatste tante
Eur laeven lang een Almnsen
En actief van top tut tene
Vriendelijk zeg ze goeiendag
Want zi-j kent zowat iederene
Eur dagelijkse ummegang
De Dorpsstraote op en neer
't Leefste met een zunneken
Maor ok wel met duuster weer
Eur winkeldeure altied veur oew lös
Al was 't ok veur wat kleins of zo
Meestentieds kreeg i-j een chocolaatje
Of een köpken koffie met eur mo
Eur name kan zi-j met ere dragen
Want veur zoverre as 't mi-j heugt
Is zi-j in Almen een van de laatsten
Die wi-j "Tante" Dieneke neumen meugt
Henk Muileman