't Kruus

Zo maor inens steet ‘e daor

An ’t begin van de hoge kamp

‘s Margens in alle vrogte

’t Land net dreuge van den damp

Een kruus van dikke balken

Versierd met dennengreun

Met in de top een vlagge

En an de voet een steun

Een steutjen stao ik stille

Wat te denken weet ik neet

Ik bun effen van de wieze

En wat in mi-j umme geet:

Van Ku-Klux-Clan tut Karst

Van Messiah tut de Paos

Van liejen en van laeven

Van verre en van naost

“@keet.deurloos” laes ik op de vlagge

Den wappert in de wind

Noe begunt toch wat te dagen:

Jongs die an ‘t bolderen bint!

Gisteraovend in ’t duuster

Met de jeep effen vot van huus

Um de Karstsfeer te verhogen