't Ogenblik

Unze kinder groot 
 
De deure uut 
 
Mangs heure wi-j 
 
De stilte in huus 
 
Afslag in 't laeven 
 
Naor iets moois 
 
Dat nog verborgen is 
 
  
 
Uns eerste kleinkind 
 
Een wonder 
 
Zo leef en mooi 
 
Dat kleine pöpken 
 
In miene grote hande 
 
Die traonn 
 
Bunt van geluk 
 
  
 
Hard glidt de tied 
 
an ons veurbi-j 
 
Klein pöpken  
 
Naor de schole 
 
Een groten stap 
 
Vol vertrouwen 
 
  
 
Um nooit te vergetten 
 
Was 't ogenblik 
 
Dat zee stille stond 
 
Midden op eur pad 
 
Een rondje draeiden 
 
En zi-j reep: 
 
"Dit is mijn wereld!" 
 
  
 
Ik ware bli-j 
 
En trots 
 
't Geluk krop 
 
Mi-j in de kaele 
 
Flitsend deur de kop: 
 
En ik bun 
 
Eur opa!