Elke keer opniej

De maone steet d’r helder bi’j
Hoge in de loch,
Schient zien lech op de wolkenplukken
Dichtebi’j in ‘t wit en dan al griezer.
Een enkele sterre nog te zeen,
Prikkend deur ‘t lech van de maone.
Ik ruke nog de mest
Den vandaag werd uut ereden.
Verre weg blaft argens een hond
En bi’j ‘t Oostenenk
Leui’t nog klaaglijk een koe.
De dag is veurbi’j
En de rust kump aover ‘t land.
‘t Duuster dekt de dag met leefde toe
Zodat in de nieje margen
Wi’j weer vri’j bunt
Um de dingen te daone
Dee ‘t weerd maakt
Dat wi’j d’r bunt.
Elke kere opniej!

 

Henk Muileman