Paniek
In de grote verjeurdagskringe
In de riege bi-j de kassa
In den volle zale
In alle drukte um mi-j hen
Miene vingers tintelt
Miene veute ok en miene lippen
Miene kop en oorn gleujt
Mien aodem zit hoge
Mien harte raost
Miene oren soest.
Vot!
Waor het fijn en rustig is
Waor ruumte is en frisse lucht
Waor ik allene bun
Waor neemand mi-j zut
Lankzaam wordt mien aodem rustig
Slöt mien harte geliekmaotig en kalm
Zakt mien paniek tut ik ‘m niet meer veule
Aover blif de schaamte en ‘t verdreet.
Henk Muileman
