"Juliana" Almen bi'j de piepe

De muzikanten van “Juliana” Almen kriegt elke waeke een niejsbreef thuus via de e-mail. Disse kere stond der een mooie foto biej uut vrogger tied. Der stond bie eschreven dat de muziek vrogger wel is een rondje PW leep, en dan aover de Ehzerbrugge, en de Scheggertdiek weer op ‘t darp an. En dan wisselden de drumband en de muziek mekare af. Thijs Wagenaar mopperden dan wel is:” Wi’j blaost veur de koeien!” Want elke kere as de drumband speulden dan was dat toevallig bi’j de huuze, en as dan de muziek an de beurte was zaten ze net in de bos of tussen de weidens. I’j zeet de muziek hier net beginnen an de optocht. ‘t Zal wel met ‘t Almense Feest waen, dat toen in augustus werd ‘evierd. Want achter de muziek löp een peerd met een koetse, daor zal de Schutterskoning met zien gemaol wel in zitten. De drummers en muzikanten op disse foto ken ik niet bi’j name.

De olde huuze an de Whemerweg staot d’r nog, en de weg löp der nog vlak veur langs. En as ik ‘t goed zee, dan steet de Peerdenstal der ok op, waor noe Esther ten Have de heure van eur klanten in ‘t fatsoen mek. Dan zeet wi’j nog ‘t elektriciteits huiusken, den steet der noe nog steeds. En dan, veuran, de piepe van de botterfabriek. Um oe een baeter beeld te geven van Almen in de jaoren ‘50 - ‘60 dao ik der nog een paar foto’s bi’j. De foto met de vrachtwagen heb ik van Greet Meppelder, den chauffeur is eur va dach ik.

Kan een afbeelding zijn van een of meer mensen, staande mensen, mensen die muziekinstrumenten bespelen en buitenshuisKan een afbeelding zijn van monument en buitenshuis
Kan een afbeelding zijn van buitenshuis

Kan een afbeelding zijn van 1 persoon

Contact

Henk Muileman
De Hof 16
7218LB Almen

+31.638221197

© 2020 Alle rechten voorbehouden.

Mogelijk gemaakt door Webnode