Matthijs geet deur

Foi, wat mooi was dat vanaovend op de tillevisie. Matthijs was weer better van de Corona, en wi'j zagen zien tweede uutzending. 

Een mooi gesprek met  André van Duin aover zien zeekte waoran hee eleden hef. En natuurlijk aover zien man Martin dee begin veurig jaor aoverleed an dezelfde zeekte. 't Was een hartelijk en aopen gesprek tussen twee mooie keals.

De muziek in "Matthijs geet deur", zoals ik 't maor in 't Achterhooks neume, was weer prachtig. Wat wil ie ok, met zo'n prachtig orkest as de Sven Hammond Bigband. Candy Dulfer kwam ok nog effen metblaozen.

Maor helemaal geniaal vond ik de afsluuting met een ode an David Bowie. Daor hadden ze as solisten dree opera zangers veur uut eneudigd. En dat klonk as een klokke. Ik haope dat hiermee een trend is in ezet.

Bi'j het programma Beste Zangers gebeurden dat trouwens ok al. Henk Poort zong daor onder andere The Sound Of Silence, in de stijl van Disturbed. En herinner mi'j ok nog heel goed opera zangeres Maria Fiselier die Lose Yourself van Eminem hef ezongen.

Matthijs: gao zo deur!

https://youtu.be/8YyuIkVSx-8