Meester Klumper

As kind gingen de Muilemansjongs naor de dr. J. van der Hoevenschole in Epse. De schole van meester van Wijk.
Vake fietsten ik van ons huus an de Kratonweg eerst langs Kamphuus naor mien vriendjen Geert Klein Ovink. 
En dan ginge wi'j samen aover de Hassinklane naor schole hen. Een andere keer zal ik oeleu vertellen hoe 't op schole was.
 
Veurdat de kinder uut Epse naor de dr. J. van der Hoevenschole gingen, was der een schole an de Lochemseweg. 
Den had dree klassen en werd vanaf 1883 gebruukt. Veur die tied stond der een schole an de Bathmenseweg en daorveur an de Kletterstraote.
De schole an de Lochemseweg is gebruukt tut 1932. Meester Klumper was daor van 1906 tut 1931 de hoofdmeester. 't Was een statige man, met witte heure en een siksken. Op de foto ku'j 'm op een heksken zeen zitten, veur zien huus dat naost de schole stond. 
 
Onze opoe, Geertruida Muileman-van Dijk (1901-1991) leerden ons dit versken aover de beste keal:
"Meester Klumper is een stumper,
Op de fiets kan hij niets".
 
Zo onderwees men de jeugd.....
 

 

 

Contact

Henk Muileman
De Hof 16
7218LB Almen

+31.638221197

© 2020 Alle rechten voorbehouden.

Mogelijk gemaakt door Webnode